دعيت

دعيت لربنا وكنت ساجده
عندي امنيه وهكون ليك شاكره
امنيه صغيره بس عندي كبيره
تحققها لعبدتك الصغيره
أحلام محاوطاها و في حيره
تتخبط وهي من غير بصيره
وتعبت خلاص من كلام العشيره
مش وراهم غير رساله احباط كبيره

{ .. يَارَبِّي ..
مش عارفه فين طريق المفتاح
اللي بيسهل كل دوا للجراح
وبيلهم كل عبد للمباح
وبيرحمني وغيري من ذل الالحاح

{ .. يَارَبِّي ..
الهمني افتح قلبي ليك
مش لغيرك ولا يكون في سؤالي ليك شريك
اشكيلك واسألك واطلب ارضيك
ولا غيرك ليا ولا عندي امل غير فيك

{ .. يَارَبِّي ..
لو خيري في البعد عن الاماني
امنحني القرب منك تاني وتاني
واديني الصبر علي كل اللي جاني

ولو خيري فيها امنياتي
اديهاني بسرعه وارحم آهاتي

انا امه طيبه ودي طلباتي
لــ رب الكون والدنيا دي
مستنيه اشوف اجابه دعواتي
ويقيني فيك يارب يفوق كل التوقعاتِ


{ ...
الْلَّهُم إِنَّك تَعْلَم سِرِّى وَعَلَانِيَّتِى فَاقْبَل مَعْذِرَتِى ، وَتَعْلَم حَاجَتِى فَاعْطِنِى سُؤَالِى
، وَتَعْلَم مَا فِى نَفْسِى فَاغْفِرْلِى ذَنْبِى
الْلَّهُم إِنِّى أَسْأَلُك إِيِمَانَا يُبَاشِر قَلْبِى ، وَيَقِيْنَا صَادِقَا حَتَّى أَعْلَم أَنَّه لَن يُصِيْبَنِى إِلَا مَا كَتَبْتَه
عَلَى وَالْرِّضَا بِمَا قَسَمْتَه لِى يَا ذَا الْجَلَال وَالْإِكْرَام
... }

.