الخميس، 14 يوليو، 2011

زجاجه الامنيات



زجاجه الامنيات
مليانه حكايات
فتحتها
ولقيت رسالات
كل رساله فيها سؤالات
سؤال يجر سؤال
وانا محتاره في الاجابات

قالتلي الأولي ليه التكشيره ؟
قلتلها ضاعت مني حاجات
ردت عليا بنظره حنيه
هي التكشيره ترجع اللي فات ؟!

فضحكت .. وكانت اول الاجابات
وسؤال تاني وسؤال تالت
واكتشفت ..
ان الاجابات
عباره عن احساسات
وكل واحد حر في نفسه
يضحك .. يحزن .. دي مزاجات

فقررت تكون مزاجاتي في ابتساماتي
ضحكه في ضحكه .. وضحكه يوماتي
وخساراتي مش حساباتي
انا حساباتي في الامنيات
ارتبها واحده .. واحده ..
واقعد .. استني الاجابات .. :)

ليست هناك تعليقات:

إرسال تعليق