( مغص في مشاعره )
كل بنيادم طبيعي بيمر بمرحله بيجيله فيها مغص في مشاعره
ودا طبيعي .. بيكون نتيجه صدمات قديمه او التفكير الزياده عن حده في المستقبل
واكبر سبب لمغص المشاعر هو الاختيار الغلط !!
طبعا كلنا مرينا بالمرحله دي وياما هنمر بيها لسه لحد مانلاقي الشخص المناسب
لكن دورت انا بقا وسألت كتير عن اي مسكن للمغص دا لحد ما نلاقي اللي بندور عليه .. ملقيتش :(
واكتشفت كمان ان الموضوع ممكن يتطور ويجيب صداع مزمن في الدماغ وعلاجه صعب جدا جدا .. لانه بيني وبينكم .. ( بيجيب تخلف عقلي بمرور الوقت ! )
المهم ..
خلينا في المغص
غير انه متعب وبينكد علينا ويخلينا مش عارفين نفكر في اي حاجه مهمه .. الا اننا لازم نمر بيه .. علشان نعرف الفرق ما بين المضر وبيجيب مغص .. واللي سهل الهضم ولذيذ ..
في واحده هي اللي اثارت الجنان عندي الليلادي وفكرتني بالمغص ..
واحده بنوته يعني عندها ( 17 ) سنه .. جالها المغص دا 6 مرات .. = )
هي بتقول كدا ( 6 ) مرات .. مرّت فيهم بــ ( 6 ) تجارب فاشله .. وخلال 17 سنه .. يعني اول مره حبت كانت في كي جي ..
17 سنه دي علي ايامي تقريبا كانت ثانويه عامه .. فهي كانت بتذاكر ولا بتعد المرات !
وعلي كدا علي العشرين هتكون في العنايه المركزه !
انا ماعرفش يعني الناس بتعمل في نفسها كدا ليه
ليه ندخل نفسنا في تجارب فاشله واكيد بيبقي باين ولو بسيط انها هتفشل .. مش كفايا علينا اللي مش بنبقي عارفين وبناخد علي دماغنا فيهم !!
اظن كفايا .. لان بطننا مش هتستحمل كل شويه كدا .. المسكنات مبقتش بتعمل مفعول ..
حرام عليكوا صحتكم يعني .. :(
وانا سألتلي كام دكتور مغص .. يعني علشان ابقي ايجابيه بردو .. قاللي ان الحل هو انك تتجاهليه .. كأن معندكيش مغص اصلا ..
قلتله " ينفع يا دكتور " .. قال " اه .. لان المخ احيانا بياخد علي الفكره اللي بتوصليهاله .. لو وصلتيله انك تعبانه هتحسي بالالم .. لو وصلتيله انك نسيتي هيسمع كلامك " وهتخفي :)
فانا هجرب اعمل نفسي مش حاسه .. ونشوف بكرا هيحصل ايه .. ماهو مش كل حاجه تستاهل نستحمل علشانها المغص :)
شفانا الله وشفاكم
:)
كل بنيادم طبيعي بيمر بمرحله بيجيله فيها مغص في مشاعره
ودا طبيعي .. بيكون نتيجه صدمات قديمه او التفكير الزياده عن حده في المستقبل
واكبر سبب لمغص المشاعر هو الاختيار الغلط !!
طبعا كلنا مرينا بالمرحله دي وياما هنمر بيها لسه لحد مانلاقي الشخص المناسب
لكن دورت انا بقا وسألت كتير عن اي مسكن للمغص دا لحد ما نلاقي اللي بندور عليه .. ملقيتش :(
واكتشفت كمان ان الموضوع ممكن يتطور ويجيب صداع مزمن في الدماغ وعلاجه صعب جدا جدا .. لانه بيني وبينكم .. ( بيجيب تخلف عقلي بمرور الوقت ! )
المهم ..
خلينا في المغص
غير انه متعب وبينكد علينا ويخلينا مش عارفين نفكر في اي حاجه مهمه .. الا اننا لازم نمر بيه .. علشان نعرف الفرق ما بين المضر وبيجيب مغص .. واللي سهل الهضم ولذيذ ..
في واحده هي اللي اثارت الجنان عندي الليلادي وفكرتني بالمغص ..
واحده بنوته يعني عندها ( 17 ) سنه .. جالها المغص دا 6 مرات .. = )
هي بتقول كدا ( 6 ) مرات .. مرّت فيهم بــ ( 6 ) تجارب فاشله .. وخلال 17 سنه .. يعني اول مره حبت كانت في كي جي ..
17 سنه دي علي ايامي تقريبا كانت ثانويه عامه .. فهي كانت بتذاكر ولا بتعد المرات !
وعلي كدا علي العشرين هتكون في العنايه المركزه !
انا ماعرفش يعني الناس بتعمل في نفسها كدا ليه
ليه ندخل نفسنا في تجارب فاشله واكيد بيبقي باين ولو بسيط انها هتفشل .. مش كفايا علينا اللي مش بنبقي عارفين وبناخد علي دماغنا فيهم !!
اظن كفايا .. لان بطننا مش هتستحمل كل شويه كدا .. المسكنات مبقتش بتعمل مفعول ..
حرام عليكوا صحتكم يعني .. :(
وانا سألتلي كام دكتور مغص .. يعني علشان ابقي ايجابيه بردو .. قاللي ان الحل هو انك تتجاهليه .. كأن معندكيش مغص اصلا ..
قلتله " ينفع يا دكتور " .. قال " اه .. لان المخ احيانا بياخد علي الفكره اللي بتوصليهاله .. لو وصلتيله انك تعبانه هتحسي بالالم .. لو وصلتيله انك نسيتي هيسمع كلامك " وهتخفي :)
فانا هجرب اعمل نفسي مش حاسه .. ونشوف بكرا هيحصل ايه .. ماهو مش كل حاجه تستاهل نستحمل علشانها المغص :)
شفانا الله وشفاكم
:)
ليست هناك تعليقات:
إرسال تعليق