بحلم
بحلم بدنيا صغيره
جواها حب وقلب وسهم
وبيت صغير من غير وهم
ورحله طولي وطول ولادي
وايام سعيده من غير هم
الصبح ورده وسقيينها
والظهر ضحكه وفاكرينها
بليل سهرتنا ماليينها
احلام كتيره لبكره وبس
مفيش هموم في دماغنا
و لا حزن راح يتعبنا
ولا فكر هيقلق منامنا
ولا عايزين آلام من حد
بحلم بسجاده صغيره
تكفيني وابني وبنتنا
ونصلي سوا صلاه جماعه
وندعي فيها كلنا
يارب ديمها علينا نعمه
اسعدلنا ايامنا
وارحمنا
بايماننا
وكملها لينا بالجنه
:)
ليست هناك تعليقات:
إرسال تعليق