الثلاثاء، 3 يوليو 2012

التدوين الموحد التابع لمسابقة التدوين - 15


1/ عرف نفسك ؟
انا فنانة , رسامة و مصممة و بحب الكتابة جداً ,,  حالياً كاتبة بمجلة دقة جديدة الاليكترونية 
 حلمي اعمل مجموعة قصصية خاصة بالأطفال 

2/ ما أكثر ما يميز شخصيتك ؟
 , صعب أحدد , لكن معظم الناس بتوصفني ان ليا وجهة نظر مختلفة في الحياة 
و أقدر أقول عاطفية و حساسة ! .. 

3/ ما هى اهم نقطة تحول فى حياتك ؟
اتصدمت في ناس قريبين ليا جداً ... غيرت مفهومي للحياة كل .. و طريقة اختياري للناس 

4/ كيف دخلت الى عالم التدوين ؟
بكتب يومياتي من زمان و بعض القصص القصيرة على مراحل حياتي .. فاقترحت علي صديقة ليا اني اعمل مدونة و صفحة ع الفيس بوك و أعرض كتاباتي ع الناس و اسمع الآراء .. و الحمد لله حبيت الموضوع و نجحت فيه ..

5/ ما اسم مدونتك ولماذا اخترته ؟
" يوميات بنوتة شايفة بكرة أحلى " .. اختارته ليا صحبتي اللي بحبها 

6/ صف مدونتك ؟
هي بتعبر عن حالات .. في الغالب هي يومياتي و الحالات اللي بمر بيها .. بحب أوي أسجل المواقف اللي بتعدي عليا و أي شيء بيأثر فيا و بيعلمني .. و أوقات اتصفحها و أقراها ..

7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟
اللي أثروا فيا بجد و دايماً بيشجعوني و مازالوا هما أصدقائي و زملائي في مجلة دقة جديدة .. و جميعهم مدونين 

8/ ما هى طقوسك الخاصة عند الكتابة ؟
مشروب دافيء و أكون لوحدي !

9/ ما هو الاسلوب المفضل لديك فى التدوين ؟
الفصحى 

10/ فى رأيك ما أهم ما يميز تدويناتك ؟
تسجيلي للحالات المميزة خلال اليوم بصدق و كأنها تحاكيني 
أحب أن أحكي ما يحدث لي ..

11/ ما هو تقيمك لعالم التدوين فى الفترة الاخيرة ؟
منتعش جداً .. الكل بيكتب من غير خوف ..

12/ اختر اقرب تدويناتك الى نفسك وضع رابطها وحدثنا عنها ؟
قصة قصيرة اسمها " ورد مجفف " كتبتها في ظروف غامضة و بدون تعديل !!
http://dollysallam.blogspot.com/2011/10/blog-post_25.html

13/ استعرض اهم المواقف الغريبة او الطريفة التى صادفتك مع التدوين ؟
مواقف التدوين كتير جداً ما بين السخرية بالمشاعر و ان كل واحد بيكون فاكر الكلام ليه شخصياً !

14/ هل أحدث التدوين تأثيرا عليك ؟ وكيف ؟
تأثير غير عادي .. ابتديت اهتم بتفاصيل أكتر بالحياه .. ابتديت أتأثر بالمواقف أكتر .. خيالي بقا أوسع أي موقف بيمر بيا أقدر أحوله لقصة .. الحياة كلها أتغيرت من بعد اهتمامي بالكتابة .. 

15/ اختر اى مدون ووجه له سؤال ؟
صاحب فكرة التدوين اليومي .. 
منين جتلك الفكرة دي .. و ايه الهدف منها ؟ ..  وهل ممكن تتطور لأكتر من الانترنت ؟ تنصح بايه لتشجيع المواهب الشابة ؟

هناك 16 تعليقًا:

  1. مساء البنفسج
    اجباتك مختصرة
    يمكن مجاوبتنيش عن حاجات كتير
    بس اتمنيت اعرفك اكتر

    ردحذف
    الردود
    1. للأسف مش بعرف اتكلم عن نفسي ! و هي معظم الأسئلة لو فضلنا نرغي فيها مش هنخلص :) ,,, ميررسي انتي نورتيني :) :) ومسيرنا هنتعرف على بعض واحدة واحدة

      حذف
  2. حسيتك لسه غامضة بردو :)
    بس عجبتنى فكرة قصص الاطفال جدا
    ربنا يوفقك يا جميلة

    ردحذف
    الردود
    1. دا حلم بالنسبالي و حلم بعيد كمان ننفسي يتحقق يارب :)

      حذف
  3. انا اكتر حاجة عجبتنى تأثير التدوين عليكى ربنا يوفقك

    ردحذف
    الردود
    1. :) ,, انا اتغيرت 360 درحة اساساً ,, نورت

      حذف
  4. جمييييييييييييييييل يا هدى وبسيط ربنا يوفقك ديما يا جميلة :)

    ردحذف
    الردود
    1. ربنا يوفقنا كلنا و يحققلنا احلامنا يا رب :)

      حذف
  5. أنا دعيت السنه دي للتدوين اليومي لأني جربته السنه اللي فاتت و كانت تجربه في منتهى الروعه خليتني أكتب عن أفكار كتير جوايا كنت بكسل أكتبها و شجعتني على الإلتزام بده...غير كمان التواصل مع الجميع.

    أتمنى تكون الفكرة و التجربة عجبتك :)

    مش هقدر أنصحك بحاجه غير إنك تقري كتير و تاكوني إنسانه مطلعه و تطوري من نفسك و ماتكونيش غير أنتِ متكتبيش غير بإحساسك..
    و ربنا يحققلك كل اللي بتتمنيه

    ردحذف
    الردود
    1. و الله انا مش عارفة اشكرك ازاي على فكرتك دي :) ,, عرفتني عليها سلمى صحبتي و من يومها انا متشجعة أكتب كل يوم .. مش مهم اكتب ايه المهم افضل أكتب ,, دا غير اني اتعرفت على ناس اهدافهم و اهتماماتهم شبهي و دا شجعني اكتر و اسعدني
      شكراًشيرين سامي :)

      حذف
  6. سعيد بما عرفته عنك من خلالك،أتنمى لك التوفيق و النجاح و السعادة الدائمة..تحياتي

    ردحذف
  7. هي فكرة قصص الاطفال ده تؤكد ان وراها قلب طيب
    تحياتي واتمنى لك التوفيق
    وسعيد بالتعارف رغم الغموض

    ردحذف
    الردود
    1. شكراً جداً .. أنا بعشق الأطفال و دراستي كانت رسوم متحركة :) فبحب أشتغل لهم
      نورت :)

      حذف
  8. صديقتى العزيزة الغامضة من خلال كلامك واجابتك على الاسئلة وان اكتر زمايلنا شايفينك لسه غامضة
    ولانى أعرفك على المستوى الشخصى فانا عارفة اكتر من اللى انتى كتبتيه عن نفسك وأقدر اقول لزمايلنا فى التدوين ان هدى علام وبدون مجاملة من اكتر الشخصيات اللى يكون ليك شرف التعرف عليها
    حاجة كده انقرضت فى الزمن ده الرقة والحساسية الزيادة والاحساس بالغير والطيبة والعفوية وحاجات كتير اووووووووى لو هتكلم عنها محتاجة ايام وايام عشان اوصل لوصفها بأدق التعابير

    بتمنالك السعادة المطلقة والتوفيق فى حياتك واتمنالك انك تحققى كل اللى بتحلمى بيه
    ان شاء الله:))))
    كل التقدير والاحترام لشخصك الجميل:)))

    ردحذف
    الردود
    1. صديقتي العزيزة جداً اميرة ^ ^ .. يعني مش عارفة اقولك ايه ع الكلمتين الحلوين دول :) .. كفايا عليا انك تكوني معايا علشان أحس الاحساس اللي انا حساه دلوقتي دا ..
      أنا بحبك في الله :))

      حذف